වැඩකට නැති පෙට්ටිය

අපි ජීවිත කාළය තුලදී බොහෝ පෙට්ටි දකින්නෙමු. සමහර පෙට්ටි ප්‍රමාණයෙන් විශාල ය. සමහර ඒවා කුඩා ය. පෙට්ටි වලින් ඇති ප්‍රධානම ප්‍රයෝජනය වන්නේ ඕනෑම දෙයක් ක්‍රමානුකූලව අසුරා තැබීමය. 

පෙට්ටියෙන් ගන්නා කාර්ය අනුව විවිධ වර්ග වලට වෙන් වේ. රටකින් රටකට බඩු ප්‍රවාහනයේදි ප්‍රමාණයෙන් විශාල පෙට්ටි භාවිතා කරයි. අපි ඒවාට කන්ටේනර් පෙට්ටි යැයි කියන්නෙමු.  මීට අමතරව අපි අසුරන දේ අනුව පෙට්ටි නම් කිරීමක් ද සිදු වේ.

බිස්කට් වැනි දෑ අසුරන්නට භාවිතා කරන්නේ බිස්කට් පෙට්ටි වන අතර පාසල් ළමුන් තම තමන්ගේ පෑන් පැන්සල් අසුරා තබා ගැනීමට පැන්සල් පෙට්ටි භාවිතා කරයි.මීට අමතරව තැපැල් පෙට්ටි, කෝච්චි පෙට්ටි වගේම පන්සල් වල පින් පෙට්ටි ආදී වශයෙන් නානාප්‍රකාර පෙට්ටි අපි අතර වේ.

මා ඉහතින් සඳහන් කලේ වැඩකට ඇති පෙට්ටි ගැන ය.ගොඩක් පෙට්ටි වැඩකට ඇති ඒවා ය.එහෙත් කිසිම වැඩකට නැති පෙට්ටිත් ඇත. මෙයත් එවැනිම පෙට්ටියකි.

මා පහතින් දක්වා ඇත්තේ එවැනි වැඩකට නැති පෙට්ටියක පින්තූරයක් ය. මෙම පෙට්ටියට ඉංග්‍රීසියෙන් කියන්නේ "යූස්ලස් බොක්ස්" කියා ය.

                                                                                                වැඩකට නැති පෙට්ටිය

මෙම පෙට්ටියෙන් කෙරෙන එකම කාර්යය වන්නේ අප විසින් ක්‍රියාත්මක කරන ස්විචය තමන් විසින්ම නිවා දමා ගැනීම ය. තවත් සරලව කියනවා නම් අපි "ඔන්" කරන ස්විචය තමන් විසින්ම "ඕෆ්" කර ගැනීම පමණෙකි.

මෙම වැඩකට නැති පෙට්ටි සංකල්පය මුල් වරට සොයා ගත්තේ මැසචුසෙට් තාක්ශණ ආයතනයේ මහාචාර්යවරයෙකු වන  මර්වින් මින්ස්කි මහත්මයා ය.

---------------------------------------------------------------------
ප.ලි - යූස්ලස් බොක්ස් (Useless Box) ගැන වැඩිදුර කියවන්න මෙන්න විකිපීඩියා සබැඳිය. එක දිගට ලිපි 4ක් දාපු නිසා මං කෙටි විවේකයක් ගන්නවා. :)

සියළුමදෙනාට විනෝදයෙන් පිරුණු සති අන්තයක් !