25 September 2018

පිදූ රං ගල පිදුරන්ගල වීය

කාලෙකට උඩදි අපි සීගිරියෙයි පිදුරංගලයි ගියා. පිදුරංගල විහාරය වැඳලා කන්ද නගින කොට මැදකදී මගේ දනිහ පැන්න. ඒ නිසා මට ගල මුදුනටම යා ගන්න බැරි උනා.

පිදුරංගලින් පහලට බැස්සෙත් අපේ දෙන්නෙක්ගේ වාරුවෙන් වත්තම් වෙවී. ඒ නිසා මට හරියාකාරව පිදුරංගල බලාගන්ඩ බැරි උනා. ආයෙම දවසක නම් අනිවාර්යෙන්ම යන එක යනවාමයි.

පිදුරංගල වැඳලා සීගිරියට එනකොට සීගිරිය ගල නගින පඩිපෙල කිට්ටුවම වගේ ඉන්නවා අමරේ මාමා කියලා මැදි වයසත් පැනපු මනුස්සයෙක්. උන්දෑ එතැනින් යනෙන අයට සීගිරිය හා අවට වැදගත්කම ගැන හරි අපූරුවට කියලා දෙනවා.

උන්දෑ ගොඩාක් ලොකු විස්තරයක් කියලා දුන්නට මට මතක හිටියේ නෑ. මට මතක තිබ්බ ටික පහලින් කොටන්නම්.