සුබ නව වසරක් වේවා !

අළුත් අවුරුද්දේ පළවෙනිම දවස ගෙදර අයත්තෙක්ක සමරන්න කියලද කොහෙද අද අපට නිවාඩුවක් දීලා තියෙන්නේ. නිවාඩු දවසේ කරන්න තිබ්බ වැඩ වලට කලින්ම මම බ්ලොග් එක පැත්තේ ආවේ මාත්තෙක්ක අවුරුද්දක් රැදී හිටපු බ්ලොග් යාළුවන්ට සුබ පතන්ඩ.

අළුත් අවුරුද්දේ මට ඉස්ස ඉස්සෙල්ලම ආපු සුබ පැතුම් මැසේජ් එකෙන්ම සුබ පතන්නම්. මේ සුබ පැතුම ලැබුනේ මගේ ඊ මේල් මිතුරිය ගෙන්.

මෙන්න මේකයි සුබ පැතුම,

නව වසරට ලැහැස්තියයි
සැමගේ පැතුම් දෝරේ ගලයි
මංගල්ලෙට යාර දෙකයි
සංසාරෙට රේල්ලුවයි

හිතුවොත් මැදකට නැවතී
යායුතු මාවත මැනවින්
කරමින් යුතුකම් යහමින්
පැනගමු මේ බව කතරින් !

-මුතුහරිනි සමරවීර-

 මේ අවුරුද්දේ මගේ හිතේ තියෙන ලොකුම බලාපොරොත්තුව තමා මගේම කියලා වාහනේකට ගොඩ වෙන එක. ඒක ඉටු කරගන්න තමා මේ අවුරුද්දේ මහන්සි වෙන්නේ..

එහෙනං,

බ්ලොග් ලියන කියවන සියළුම දෙනාට සතුටින් පිරුණු වාසනාවන්ත සුබ නව වසරක් වේවා !
--------------------------------------------------------
ප.ලි.- හරි වචනේ 'සුභ' ද 'සුබ' ද ? සුබ නව වසරක් ද ? සුභ නව වසරක් ද ? :)