සති අන්තයට පෙර

අද ජනවාරි 10 වෙනිදා !

අළුත් අවුරුද්ද පටං අරගෙන දවස් දහයකුත් ගෙවිච්ච ඉක්මන.... රතිඥ්ඥා පත්තු කරලා අළුත් අවුරුද්ද පිලිගත්තේ අද ඊයේ වාගේ. අපි හිතනවටත් වඩා ඉක්මනින් කාළය ගත වෙනවා.

මේ සතියට මම එක පිට එක ලිපි තුනක්ම ලිව්වා. මේ ලියන එකත්තෙක්ක හතරයි !

අද පෝස්ට් එකක් ලියන්ඩ හිතුවේ කාළය ගැන කියන්ඩවත් අවුරුද්ද ගැන කියන්ඩවත් නෙමේ. මතකනේ මීට කලින් ලිපි වල ඉති කුමාරි කතා වස්තුව ලිව්වා. ඒ කතාව ලියලා ඉවර කරන්ඩ ලිපි තුනක්ම ගියා. මම තනි කතාවක් කෑලි තුනකට කැඩුවයි කියලා හොඳට අහගන්ඩත් පුලුවං උනා.

ඒවයිං කාරි නෑ..

ඔය ලිපි තුන කියෝපු කට්ටියට ප්‍රශ්නයක් තිබ්බා ඉති කුමාරි කතාවේදී හිටිය දීපංකර බුදු හාමුදුරුවෝ අටවිසි පිරිතේ දී කියැවෙන බුදුහාමුදුරුවන්මයිද කියලා.

අටවිසි පිරිතේ මෙහෙම කියවෙනවා නෙහ්,

තණ්හංකරෝ මහා වීරෝ - මේධංකරෝ මහායසෝ
සරණංකරො ලෝකහිතෝ - දීපංකරෝ ජුතින්ධරෝ

                                                     - අටවිසි පිරිතෙන් -

ඒක විසදගන්න අපේ මකරා සර් මට උදව්වක් කරලා තිබ්බා.

ඒක මෙහෙමයි.... අටවිසි පිරිතේ හැටියට කියවෙන බුදුවරු විසිඅට දෙනාම හිටියේ සාර අසංඛෙයිය කල්ප ලක්ෂය ඇතුලතදී. ඒ කාළෙදිත් දීපංකර කියලා බුදු කෙනෙක් පහල වෙලා තියෙනවා. අටවිසි පිරිතේ කියවෙන දීපංකර බුදු හාමුදුරුවන්ගේ කාළයේදී ගෞතම බුදු හාමුදුරුවෝ ඉදලා තියෙන්නේ සුමේධ තාපස තුමා හැටියට.

 ඊට ගොඩාක් කලින් ඒ කියන්නේ මනෝ ප්‍රණිදාන කාළයේදිත්  දීපංකර කියලා බුදුහාමුදුරුවෝ කෙනෙක් පහල වෙලා තියෙනවා.  පුරාණ දීපංකර බුදු හාමුදුරුවෝ කියලා. මේ කතාව ඒ බුදු හාමුදුරුවන්ගේ කාලේ වෙච්ච එකක්.පුරාණ දීපංකර බුදු හාමුදුරුවන්ගේ කාළෙදි තමා ගෞතම බුදු හාමුදුර්වෝ ඉති කුමාරිය වෙලා ඉදලා තියෙන්නේ.

 පල්ලෙහා චාට් එක බලන්ඩ !

ඔය චාට් එකට අනුව  අපේ ගෞතම බුදු හාමුදුරුවෝ 512,027 බුදුවරු ගණනාවක් දැකලා තියෙනවා.


හරි බණ කතා ඉවරයි...

පොඩි වෙනසකටත්තෙක්ක මේ සති අන්තයේ මම මීගමු යන්ඩ කියලා ඉන්නේ.
මීගමු මුහුදේ නාන්ඩ.. !

වැඩි කවුරුත් යන්නේ නෑ... මමයි තව යාළුවෙකුයි විතරයි.

එහෙනං මං ගියාවේ ! හැමෝටම සතුටින් පිරුණු සති අන්තයක්.... !!!