ප්‍රැට්‍රෝල් මැස් එක

 මළ ගෙවල් ගැන මම කලිනුත් මේ බ්ලොග් එකේම ලිපි කිහිපයක් ලියලා තියෙනවා. එක එක පළාත් වල අවමංගල්‍යය චාරිත්‍ර ගැන එහෙම මම ලිපියක් ලියලා තියෙනවා. මේ ලිපියත් අවමංගල්ල ගැනම ලියවෙන්න යන එකක්.

මළ ගෙවල් ගැනම ලියැවෙන්න හේතුව තමයි ඊයේ පෙරේදා අපේ ගෙවල් කිට්ටුව අයියා කෙනෙකුගේ තාත්තා හදීසියේම අන්ත්‍රා උනා. ඉතින් මමත් ගියා ඒ අවමඟුලට සහභාගි වෙන්න.

අවමඟුලක්, මගුල් ගෙයක් එහෙම කියන්නේ ඉතින් අහල පහල කට්ටිය එකතු වෙලා රටේ නැති වල් පල් කියවන්න හොඳ වේදිකාවක් තැනෙන අවස්ථාවක් නෙව. ඉතින් කට්ටිය එකේක දේ ගැන කතා කළා.

ඔය අතරේ ටිකක්  වයසක මාමා කෙනෙක් "දැං වගේ ලැයිට් තිබ්බට ඉස්සර නම් මළගේකට පැට්‍රෝල් මැස් එකක් නැතුවම බෑ. ප්‍රැට්‍රෝල් මැස් එකයි මළගෙයයි කියන්නේ ඉතිං අමුඩෙයි පුකයි වගේ. දෙන්නට දෙන්නා නැතිවම බෑ..." කියලා කිව්වා.

ඕන්න ඊට පස්සේ කතාව පැට්‍රෝල් මැස් එක පැත්තට හැරිලා ගලාගෙන ගියා. ඇත්තටම මම පොඩි කාලෙත් ඔය පැට්‍රෝල් මැස් ලාම්පු නොදකින මළ ගෙයක් හොයාගන්ඩ නෑ. දැන් ෆ්ලෑශර් ලයිට් වලින් කරපු රාජකාරියම පැට්‍රෝල් මැස් ලාම්පුවෙන් ඉටු උනා. මේකට කට්ටිය පැට්‍රෝල් මැස් කිව්වට හරිම නම තමයි පෙට්‍රෝමැක්ස් කියන එක.

ඉස්සර අපේ ගෙදරත් තිබුනා ඔය ජාතියේම පැට්‍රෝල් මැස් ලාම්පුවක්. ඒකට ගානට හුළං එහෙම ගහලා පත්තු කළහම ඉතාම දීප්තිමත් සුදු පාට ආලෝකයක් නිකුත් වෙනවා. හුළං ගැහිල්ලත් හරි පදමට කෙරෙන්ඩ ඕන. නැත්නම් පුපුරන්ඩ එහෙම බැරි නෑ.

ඔය ලාම්පුවක් හරියටම පත්තු කරලා ගොඩක් උඩට එල්ලුවහම ලොකු පදාසයකට එළිය ගන්ඩ පුලුවං. ඔය එළියෙන් තමයි කට්ටිය වට වෙලා කතා කර කර ඉන්නේ. ඒ විතරක් නෙමේ... මළ ගෙදර බූරූ ගැහිල්ල සිද්ධ වෙන්නෙත් මේ පැට්‍රෝල් මැස් එහෙක පිහිටෙන් තමයි. 

පැට්‍රෝල් මැස් එකක් යටට වෙලා මළ ගෙවල් වල පාළු කපන අයගේ කතා අහගෙන රෑ පහන් කිරිල්ල ඉස්සර අපේ ගම් වල සුළභවම කෙරුනා. කාළෙත් එක්කම පැට්‍රෝල් මැස් පාවිච්චිය අඩු වෙලා ගිහින් නැත්තටම නැති උනා.

අපේ සීයා නැති උනත් හරි අපේ ගෙදර තිබ්බ ලාම්පුව, එක එක මලගෙයින් මලගෙයට ගිහින් අන්තිමේදි ගෙදරට ආවේ නෑ. අපරාදේ ඉතින්.....