ඔහොම උගන්න උගන්න ඉන්නැද්දි සර්ගේ කට වැරදීමකින් කියවුනා ඉස්කෝලෙත් කඩුපුල් පැලයක් තියෙනවයි කියලා. මං ඊට පස්සේ ඉන්ටර්වල් එකේදි අපේ මල් පෝච්චි එකින් එක බැලුවා කොයි පෝච්චියේද කඩුපුල් පැලෑ තියෙන්නේ කියලා. ඔහොම බලාගෙන යනකොට කඩුපුල් පැලේ තියෙන පෝච්චිය හම්බ උනා.
මං දෙන්නං වැඩේ කියලා ඉස්කෝලේ ඇරෙන වෙලාවක් අල්ලගෙන ඕකෙන් කොළයක් කඩාගෙන ගියා. ගිහින් ගෙදර පැල කලා. මල් පැල හිටවනවා නං ඉල්ලගෙන ගිහින් හිටවනවට වඩා හොරෙන් උගුල්ලගෙන ගිහිං හිටෙව්වොත් හොඳට පැලවෙනවා. ඒක මං අත්දැකීමෙන් දන්න දෙයක් !
ඔහොම කඩාගෙන ආපු කඩුපුල් කොළය ගෙදර තිබ්බ පෝච්චියක පැල කලා. හොඳට පැලවෙලා ටික දවසකින් අළුත් දල්ලකුත් ආවා. හොඳටම පැල උනාට පස්සේ මං පොල් ලෙල්ලක හිටවලා තාප්පේ එල්ලුවා. මං හිතන විදිහට රෑ මනමාලි කියන්නෙත් කඩුපුල් මල් වලටම වෙන්ඩ ඕන !
කඩුපුල් කියන්නේ දිව්‍යලෝකයේ ඉදලා ආපු දිව්‍යාංගනාවකගේ අතින් වැටිලා පැලවෙච්ච පැලෑටියක් කියනවානෙ. ඒ කතාව හරියටම මං දන්නේ නෑ. හොයලා බලන්ඩ ඕන :)
කොහොමින් කොහොමහරි මං හිටවපු කඩුපුල් වල මල් හිටන් ආවා. දැං බලයි ඉස්කෝලේ යන කාලේ හිටවපු ඒවෑ මල් ආවේ දැන් ද කියලා. නෑ... ඒ කාලෙම මල් ආවා.ඒ කාලේ ෆොටෝ ගහන්ඩ කැමරාවකුයි ලියලා දාන්ඩ බ්ලොග් එකකුයි තිඋනේ නෑ.
මල් පොහොට්ටු එක දෙක එනකොට මෙදාපර කොහොමහරි මලක ෆොටෝ කෑල්ලක් ගන්නවමයි කියලා හිතාගෙන හිටියත් වැඩ ඇරිලා ගෙදර ආවට පස්සේ අමතක උනා. උදේ වැඩට යනකොට තමා කලින් දා රෑ පිපිච්ච කඩුපුල් මල දැක්කේ. ඉතින් දැක්ක හැටියෙම පින්තූර ගත්තා. ඔය ඉහලින් තියෙන්නේ ඒ මල් !
මීට කලින් මං දුටු සතුටු මල් ගැනත් කිව්වා මතකනේ !
දැං බලයි මොකට කඩුපුල් මල් ගැන ලිව්වද කියලා. මම හිටෝපු මල් පැලේ මලක් ආවම සතුටු මට නේ !
දිනමිණ පත්තරෙත් කඩුපුල් මල් ගැන ලිපියක් තියෙනවා දැක්කා. මේ තියෙන්නේ ඒ ලිපිය.
