අද නොවැම්බර් මස 15 වෙනි සිකුරාදා දිනයකි. එසේම වප් පුන් පොහෝ දිනයත් යෙදී ඇත්තේ අදට ම ය. ඊටත් දෙවෙනි නොවන මැතිවරණ උණුසුමකින් රටම වෙලාගත් සිකුරාදා දිනයකි අද. පෙරදින එනම් නොවැම්බර් මස 14 වනදා පැවැත්වූ මහ මැතිවරණයේ ප්‍රථිපල එකින් එකට මහජනතාව ඉදිරියේ පෙළහර පාන දිනය අදයි.
මමද නිවාඩු දින උදේ පටන්ම පරිගණක තිරය දිහාවට ඇහැ යොමාගෙන සිටියේ පෙරදින මා දැමූ ඡණ්දයේ ප්‍රථිපළ කෙසේ වේදැයි දැනගනු රිසියෙනි.එකදු ඡන්ද ප්‍රථිඵලයක්වත් මගහැරෙන්නට නොදී බලා සිටියේ අවසන් ප්‍රථිඵලය දැනගනු රිසියෙනි. මා සිතා සිටි පරිදිම එක මිටට මුළු රටම මාලිමාවට එසේත් නැතිනම් ජනතා විමුක්ති පෙරමුණ ඉදිරියෙන් ඡන්දය භාවිතා කර තිබිණ.
ඉතින් මෙවැනි ජයග්‍රාහි දිනයක බ්ලොග් අඩවියේ සටහනක් නොදමා සිටීමට මට සිත එකඟ කරගත නොහැකි විය. වසර 40කට ආසන්න කාළයක් තිස්සේ මැතිවරණ තරඟ බිමේ සටන්කොට ලබා ගතහැකි වූ එකම ජයග්‍රහණය මේ යැයි මා සිතමි.
අදින් ආපස්සට බලනවිට ජනතා විමුක්ති පෙරමුණට මෙවැනි ජයග්‍රාහී වූ දිනයක් හොයාගැනීමට අසීරුය.
මෙය ජනතා විමුක්ති පෙරමුණ ලබාගත් ජයග්‍රහණයකට වඩා මා දකින්නේ වසර 76ක මජර දේශපාළනයෙන් බැට කෑ ජනතාව විසින් ස්වකීය ඡන්ද අයිතිය භාවිතා කර ඉහත කී මජර දේශපාළනයට උර දුන් මැති නඩය එක පෙළට පරාජය කර ලබා ගත් ජයග්‍රහනයක් ලෙස ය.
නමුත් මෙය අපේ සැබෑ ජයග්‍රහණයම නොවේ. මෙය එම ජයග්‍රාහී මාවත විවර කර දීමක් පමණි. සැබෑ ජයග්‍රහණය අත්වන්නේ මේ රට සංවර්ධණය කරා ළඟා වූ පසු ය. එය එක් මසකින් එක් වසරකින් නිම කළහැකි කාර්යයක් නොවේ. හරි දැක්මක් තුල හරි මාවතක ගමන් කර වසර ගණනාවකින් අප ලබාගත යුතු වන ජයග්‍රහණයකි.
ඒ නිසාම මේ ජයග්‍රහණයත් සමඟම අප රටේ ජනතාව ලෙස නැවතත් විපක්ෂයේ අසුන් ගත යුතු ය. නිවැරදි තීරණ නිවැරදි ලෙසත් වැරදි තීරණ එක හෙලාම වැරැදි යැයි කීමත් අප කළ යුතු කාර්යයක් වන්නේ ය. එසේම අද ජයග්‍රහණය කරවූ පක්ෂය රට විනාශ මුඛයට ඇද දමන්නේ නම් ඊළඟ මැතිවරණයකදී ඊට විරුද්ධව අපගේ ඡන්ද අයිතිය භාවිතා කිරීමටත් වග බලාගත යුතු වන්නේ ය.
මැතිවරණයේ සමස්ත ප්‍රතිපළය මා පහතින් දක්වමි.
No comments:
කමෙන්ට් එකක් දාලම යමු ද ?
ඔබේ කමෙන්ට්ස් සිංහලෙන්, English වලින් හෝ සිංglish වලින් ලියන්න.