15 November 2010

ලස්සන ගීයක් රසවිඳිමුද ???


මේ ගීය නම් ටිකක් විතර පරණයි. මං පරණයි කිව්වේ ගියේ රසය නෙමෙයි ඒක ගායනා කරපු කාලෙ ටිකක් විතර ඈතයි. නමුත් මේ ගීය මට නම් අද උනත් අලුත් එකක් වගේ රස විඳින්න පුලුවන්. වැඩි කතා ඕනේ නෑ ගීය මේකයි. සුනිල් එදිරිසිංහ මහත්මයා ගායනා කරන " පැන මඩ කඩිති ….." ගීය .

මේක මං මුලින්ම ඇහුවේ මං විශ්ව විද්‍යාලේ ඉන්නකොට අපේ පීඨ අරුණැල්ල කියලා ශිෂ්‍යත්ව වැඩසටහනක් කරනවනේ. අන්න ඒකේ සමාරම්භක උළෙල දී තමයි මං මේ ගීය මුලින්ම ඇහුවේ. ගීයට කලින් මං අරුණැල්ල කියන්නේ මොකද්ද කියලා පැහැදිලි කරලා ඉන්නම්කෝ. අරුණැල්ල කියන්නේ දුශ්කර පලාත් වල අ.පො.ස. (සාමාන්‍ය පෙළ) සිසුන්ට කරන සම්මන්ත්‍රණ මාලාවක්.

සම්මන්ත්‍රණ විතරක්ම නෙමෙයි ඒවහේ පාසලක් තෝරගෙන හැම අවුරුද්දකම ඉස්කෝලෙට පුස්තකාලයක් හදන වැඩපිලිවෙලක්. අන්න ඒකේ 2009 අවුරුද්දේ සමාරම්භක උළෙල තිබ්බේ කන්තලේ වේන්ඩ්‍රාසපුර මහ විද්‍යාලයේ.මේක ගොඩාක් දුශ්කර පාසලක්.

ඉතින් මේ පාසලේ හිටපු තුන වසරේ විතර මල්ලී කෙනෙක් තමයි මේ ගීය ගායනා කලේ. ඒ මල්ලී මේ ගීය ලස්සනට ගායනා කලා. කොච්චර ලස්සනට මේ ගීය ගායනා කලාද කිව්වොත් කට්ටියම කිසිම හාවක් හූවක් නැතිව අහගෙන හිටියා.

ඇත්තටම මේ ගීයෙන් කියවෙන්නේ ඉස්කෝලෙක ගුරුවරයෙක් ගැන. අපේ ඉස්කෝලවල් වල ඉන්න ගුරුවරු අපි ඉන්න මේ තත්වෙට ගේන්න කොච්චර වෙහෙස මහන්සි උනාද ???? නමුත් අපේ අයගෙන් කීයෙන් කීදෙනෙක්ද ගුරුවරයා ගැන මතකයක් තියාගෙන ඉන්නේ.

මං මේ ගීයෙන් ආසම පද ටික තමයි.

පැන මඩ කඩිති වැවු තාවුලු වැහි කාලේ….
පෙන්නා මග නොමග නොවැටි යන තාලේ…
සිප් කිරි පෙවු මූසිලයින් උඩු මාලේ…
අපෙ ගුරුතුම යයි තාමත් ඉස්කෝලේ….

මේක ඇත්තටම ලොකු තේරුමක් තියෙන ගීයක්. මං කියනවටත් වඩා ඔයාලම අහල බලන්නකෝ.

මේ ගීයේ මුල් ගායනය ඩවුන්ලෝඩ් කර ගන්න මෙතන ක්ලික් කරන්න.

3 comments:

  1. ඇත්තටම ලස්සන ගීතයක්

    ReplyDelete
  2. @ chanakalin :

    කොහොම උනත් දැන් කාලේ සිංදු වලට වඩා ඔයවගේ සිංදු ගොඩාක් ලස්සනයි

    ReplyDelete
  3. ලස්සන ගීතයක් අපේ ගුරුවරු අතරින් අපේ ලගින්ම හිටිය අයව හර්දයාන්ගමව මතක් වෙනවා ..

    ReplyDelete

ඔබේ කමෙන්ට්ස් සිංහලෙන්, English වලින් හෝ සිංglish වලින් ලියන්න.