සුබ නත්තලක් වේවා

 ලක් වාසි කිතුණු බැතිමතුන්ට සාමය සතුට පිරි සුබ නත්තලක් වේවා !

මුළු රටම එක මිටට

 අද නොවැම්බර් මස 15 වෙනි සිකුරාදා දිනයකි. එසේම වප් පුන් පොහෝ දිනයත් යෙදී ඇත්තේ අදට ම ය. ඊටත් දෙවෙනි නොවන මැතිවරණ උණුසුමකින් රටම වෙලාගත් සිකුරාදා දිනයකි අද. පෙරදින එනම් නොවැම්බර් මස 14 වනදා පැවැත්වූ මහ මැතිවරණයේ ප්‍රථිපල එකින් එකට මහජනතාව ඉදිරියේ පෙළහර පාන දිනය අදයි.

මමද නිවාඩු දින උදේ පටන්ම පරිගණක තිරය දිහාවට ඇහැ යොමාගෙන සිටියේ පෙරදින මා දැමූ ඡණ්දයේ ප්‍රථිපළ කෙසේ වේදැයි දැනගනු රිසියෙනි.එකදු ඡන්ද ප්‍රථිඵලයක්වත් මගහැරෙන්නට නොදී බලා සිටියේ අවසන් ප්‍රථිඵලය දැනගනු රිසියෙනි. මා සිතා සිටි පරිදිම එක මිටට මුළු රටම මාලිමාවට එසේත් නැතිනම් ජනතා විමුක්ති පෙරමුණ ඉදිරියෙන් ඡන්දය භාවිතා කර තිබිණ.

ඉතින් මෙවැනි ජයග්‍රාහි දිනයක බ්ලොග් අඩවියේ සටහනක් නොදමා සිටීමට මට සිත එකඟ කරගත නොහැකි විය. වසර 40කට ආසන්න කාළයක් තිස්සේ මැතිවරණ තරඟ බිමේ සටන්කොට ලබා ගතහැකි වූ එකම ජයග්‍රහණය මේ යැයි මා සිතමි. 

අදින් ආපස්සට බලනවිට ජනතා විමුක්ති පෙරමුණට මෙවැනි ජයග්‍රාහී වූ දිනයක් හොයාගැනීමට අසීරුය.

 මෙය ජනතා විමුක්ති පෙරමුණ ලබාගත් ජයග්‍රහණයකට වඩා මා දකින්නේ වසර 76ක මජර දේශපාළනයෙන් බැට කෑ ජනතාව විසින් ස්වකීය ඡන්ද අයිතිය භාවිතා කර ඉහත කී මජර දේශපාළනයට උර දුන් මැති නඩය එක පෙළට පරාජය කර ලබා ගත් ජයග්‍රහනයක් ලෙස ය.

මගේ ඩෙමියෝ එක

කලින් ලිපි දෙක වගේම මේකත් මේ වාහන ගැනම පොඩි දෙයක් ලියලා දාන්න ඕන කියලා හිතුනා.

දැන් නම් ලංකාවේ වාහන මාර්කට් එක ගැන නම් කතා කරලා වැඩක් නෑ. වාහන වල මිල තියෙන්නේ වාහනයේ තියෙන වටිනාකමට නෙමෙයි. අවුරුදු 20ක් විතර පැදපු ඒවත් සෑහෙන්න මිලෙන් වැඩියි. 

මේ මිල වැඩි වීමට එක හේතුවක් තමයි ලංකාවට වාහන ගෙන්වන්නේ නැති වීම. අනිත් හේතුව තමයි වාහන බයින් ඇන්ඩ් සෙලින් කරන කට්ටියගේ වාහන මාෆියාව.

මමත් මගේ පැන්ඩා ක්‍රොස් එක විකුණුවට පස්සේ ගන්න වාහනයක් හෙව්වා. හොඳ වාහනයක් හොයන එකත් ලේසි නෑ.

මුලින්ම අපි කළේ මාලබේ පැත්තේ පොඩි රවුමක් දාන එක. මාලබේ අහවල් කාර් නිවස කියලා හෙන ලොකුවට බිස්නස් එක කරගෙන ඉන්න තැනකට ගියා වාහනයක් බලන්න. ඒකේ අපි හෙව්ව වර්ග මොකුත්ම තිබ්බේ නෑ. අපි හෙව්වේ යාරිස්, වියෝස් හෝ 121 වගේ මොඩල්.

විකුණනු ලැබේ

 මගේ පළවෙනිම වාහනය උනේ පැන්ඩා ක්‍රොස් එකක් කියලා කලින් බ්ලොග් සටහනක මම කියලා තියෙනවා. ඉතින් ඒ පැන්ඩා වාහනය, මම අවුරුදු දෙකක් පැද්දට පස්සේ විකුණන්න හිතුනා. ඒ වාහනය විකුණන්න මට හේතු කිහිපයක් බලපෑවා.

පළවෙනිම හේතුව තමයි මැනුවල් වාහනක් පැදලා තියෙන නිසා ඔටෝ වාහනයක් පැදලා අත්දැකීමක් ගන්න ඕන කියලා හිතුන එක. මොකද අපේ උන්දෑ නාහෙන් අඩනවා අපි ඔටෝ එකකට ගියා නම් එයාටත් ගොඩක් ලේසියි කියලා. ඉතින් ඒක තමයි පළවෙනිම හේතුව උනේ.

දෙවෙනි හේතුව මේකයි. පැන්ඩා කියන්නේ ඉතින් චයිනීස් වාහනයක්. ඒකේ සේරම පාර්ට්ස් ගේන්නේ චීනයෙන්. ඒ කරලා ලංකාවේ තමා ඇසෙම්බල් කරන්නේ. අමුවෙන් කියනවා නම් පැන්ඩා කාර් වල Build Quality එකයි ෆිට් ඇන්ඩ් ෆිනිශ් එකයි මදි. දොර හැන්ඩ්ල් එහෙම හරිම පරිස්සමින් පාවිච්චි කරන්න ඕන. මොකද ඒවා නිකන් කැඩෙන්න ඔන්න මෙන්න වගේ තියෙනවයි කියලා මට හිතෙන්නේ.

පැන්ඩා ක්‍රොස් එක

 මීට අවුරුදු දෙකකට ඉහත මම රෝද හතරකට ගොඩ උනා. ඒ ගොඩක් හොඳ වාහනේකට නම් නෙමෙයි. ඒක පැන්ඩා ක්‍රොස් එකක්. චීනයේ හදලා ලංකාවේ මයික්‍රෝ සමාගමෙන් එකලස් කරපු වාහනයක්. මේකේ මැනුවල් සහා ඔටෝ වාහන දෙවර්ගයම ලංකාවේ දකින්න තියෙනවා.

ඒ දෙවර්ගයෙන්ම මගේ බජට් එකට සෙට් උනේ මැනුවල් එකක්. මම වාහනයක් ගන්න යනවයි කියලා කියපුවහම මගේ යාළුවෝ සෙට් එක මට එක එක සිලෙක්ශන් එවුවා. 

ඒ හැම දේකින්ම මම හොඳම ඔප්ශන් එක විදිහට දැක්කේ පැන්ඩා වාහනයකට යන එක හොඳයි කියන එක. ඇල්ටෝ ව්ලට වඩා හ්ඳ ඔප්ශන් ටිකක් එහෙම පැන්ඩා වාහනේ තියෙනවා. 

ගන්න පළවෙනිම වාහනේ හන්දා ළඟ අවුරුද්දක එකකට යන එක නුවණට හුරුයි කියලා තමා කට්ටිය වැඩිමනක්ම කිව්වේ. ඒක නම් ඇත්තා තමයි. මොකද මම පාවිච්චි කරපු අවුරුදු දෙකටම එංජින් ලෙඩ එහෙම ආවේ නෑ. රෙපයාර් ආවත් පොඩි පොඩි ඒවා තමයි සෙට් උනේ.

පාර්කින් (Parking)

 පහුගිය දවස් ටිකේ එලකිරි එකේ පොඩ්ඩක් එහා මෙහා කැරකිලා බලනකොට කවුද මන්දා කෙනෙක් දාලා තිබ්බ ත්‍රෙඩ් එකේ තිබ්බා චිත්‍රපටයක් ගැන. ඒක දමිල චිත්‍රපටියක්.

චිත්‍රපටියේ නම තමයි මේ බ්ලොග් සටහනේ ටයිටලේට දාලා තියෙන්නේ.

චිත්‍රපටයේ නම වගේම තමයි මි කතාව දිවෙන්නේත් පාර්කින් ස්ලොට් එකක් ගැන

එකම පාර්කින් ස්ලොට් එකකට රණ්ඩු කරන පවුල් දෙකක් ගැනයි මේ චිත්‍රපටියෙන් කියැවෙන්නේ. කොමඩි චිත්‍රපටියක්ම නෙමෙයි හැබැයි මේක. පොඩ්ඩක් සීරියස් විහිහට දුවන චිත්‍රපටියක්. ඒත් මේ පවුල් දෙකේ මිනිස්සු කරන කියන දේවල් දිහා බලපුවාම නම් හිනා යනවා.

අමුතු ගතියක් තියෙන චිත්‍රපටිය. ඒ වගේම කාළයකට පස්සේ මම බලපු වෙනස් විදිහේ තේමාවක් උඩ දුවන චිත්‍රපටියක් කියලා කිව්වොත් මම වැරදි නෑ. මුලින් මුලින් පොඩියට පටන් ගන්න මේ දෙගොල්ලොන්ගේ හිත් අමනාපකම් පස්සේ පස්සේ සෑහෙන්න උඩු දුවන්න ගන්නවා. ඒක වෙන්නේ කොහොමද කියලා දැනගන්න නම් මේ චිත්‍රපටිය බලන්නම වෙනවා. මෙතනින් එහාට මම චිත්‍රපටිය ගැන මොකුත්ම කියන්නේ නෑ. මොකද එතකොට බලන්න හිතාගෙන ඉන්න කෙනෙක්ට පොඩි අසාධාරණයක් වෙන නිසා.

එහෙනම් ඔයාලත් ඩවුන්ලෝඩ් කරගෙන බලන්නකෝ. මම ගියාවේ.

ජය වේවා !

ඇඟට දැනෙන නව වසරක්

 ලැබුවා වූ නව වසර, කරදර අඩුවෙන වසරක් වේවා කියලා මුලින්ම පතන්නම්.

ඒ උනාට මේ අවුරුද්ද නම් කලින් අවුරුද්දට වඩා මිනිස්සුන්ගේ ඇඟ පතට එහෙම නැත්නම් මුදල් පසුම්බියට දැනෙන අවුරුද්දක් වේවි ය කියලා හිතෙන තරමේ පෙරමඟ සලකුණු 2023 අවුරුද්දේ අග භාගයේදි අපට මාධ්‍යයන් ඔස්සේ අහන්න දකින්න හම්බ උනා නෙව.

ජනවාරි පළවෙනිදා ඉඳලා මිනිස්සුන්ට ලැබෙන්න නියමිත සහන රැසක ඉඟි කලින්ම අපට දීලා තියෙන නිසා ඇස් දෙක නළලේ තියාගෙන සර්ප්‍රයිස් වෙන්න දේකුත් නෑ මම හිතන්නේ.  තෙල් මිල නම් කොහොමත් 360 වෙනකන් යයි. ( මැති ඇමති ඉන්ධන සහනාධාරෙත් ටිකක් වැඩි කරගනීවී )

ඊට අමතරව බස් ගාස්තු, අත්‍යවශ්‍ය ආහාර පාන වල මිල වගේ දේවල් ටිකක් වැඩි වෙන්න ගනීවි. ඒ නිසා ගායිස්, පටි තදකරගෙන හිටියා වගේම බිත්තියට හේත්තු වෙලා ඉන්න තියෙන්නේ.