ඇන්ඩ්‍රෝමීඩා

බටහිර රතු මුහුදත් ගිණිකොන මධ්‍යධරණී මුහුදත් අතර ලස්සන රාජ්‍යයක් තියෙනවා. ඒ රාජ්‍යයේ රජකම් කලේ සිපියුස් කියලා රජ කෙනෙක්. ඒ රජතුමාට කැසියෝපියා කියලා දේවියකුත් හිටියා. මේ දෙන්නා සතුටින් කාලය ගත කලා. ඒ කාලයේදි කැසියෝපියා දේවිය ලස්සන දූ කුමාරියක් බිහි කලා. ඒ දූ කුමාරිගේ නම තමයි ඇන්ඩ්‍රෝමිඩා කියන්නේ.

මේ ඇන්ඩ්‍රෝමීඩා කුමරිය ගොඩාක් ලස්සන කුමාරිකාවක්. කුමාරිකාවගේ ලස්සන ගැන එතුමියගේ අන්ඩ්‍රෝමීඩාගේ ලස්සන මව් දේවිය සෑහෙන ආඩම්බරයෙන් උන්නේ. හැම වෙලේම ඇන්ඩ්‍රෝමීඩාගේ ලස්සන ගැන පුරසාරම් දෙඩෙව්වා.


කොටින්ම මුහුදු වලට අධිපති පොසයිඩන්ගේ දූවරුන්ටත් වඩා ඇන්ඩ්‍රෝමීඩා ලස්සනයි කියලා පුරසාරම් දෙඩෙව්වා. මේ කතාව පොසයිඩන්ට එච්චර ඇල්ලුවේ නෑ. පොසයිඩන්ට කේන්ති ගියා. පොසයිඩන් තීරණය කලා කැසියෝපියා දේවියට දඩුවමක් දෙන්න.

පොසයිඩන් කලේ තමන්ට හිටපු සීටස් කියන මුහුදු රාක්ෂයාව මේ රාජධනියට එවුවා. සීටස්ගේ කරදරෙන් බේරෙන්න ඕන නම් ඇන්ඩ්‍රෝමීඩාව මුහුදට බිලි දෙන්න ඕන කියලා පොසයිඩන් කිව්වා.

කැසියෝපියා දේවියයි සිපියුස් රජතුමායි ඉතාම දුකෙන් තම දූ කුමාරියව මුහුදු වෙරල ලඟ ගල් තලාවක ගැට ගැහුවා. ඔන්න සීටස් කියන මුහුදු රාක්ෂයා මේ දූ කුමාරියව බිල්ලට ගන්න ටිකෙන් ටික ලං උනා. එතකොටම පර්සියස් ආවා.

පර්සියස් තමා මෙඩූසාව මැරුවේ. මෙඩූසා කියන්නේ ඔළුවේ සර්පයෝ ගොඩාක් ඉන්න නපුරු කාන්තාවක්. මෙඩූසාගේ මුහුණ දිහා කෙලින්ම බැලුවොත් ඕනම කෙනෙක්ව ගල් වෙනවා. මෙඩූසාව මැරුවෙත් මේ පර්සියස්.

ඇන්ඩ්‍රෝමීඩා කුමාරියව බේර ගන්න පර්සියස් ආවේ මෙඩූසාගේ හිසත් අරගෙන. එකපාරම පර්සියස්, ඉස්සරහට පැනලා සීටස්ගේ මුහුණ ගාවට මෙඩූසාගේ හිස ලං කරනවා. එතකොට සීටස් කියන මුහුදු රාක්ෂයාව ගල් වෙනවා.

ඇන්ඩ්‍රෝමීඩා කුමාරිය බේරෙනවා... !

පස්සේ කාලෙක ඇන්ඩ්‍රෝමීඩා කුමාරියයි පර්සියස් අතර ආදරයක් ගොඩ නැගිලා මේ දෙන්නා විවහා වෙනවා. ඊට පස්සේ මේ දෙන්නා එකතුවෙලා තමන්ගේ අධිරාජ්‍යය ආරක්ෂා කරගෙන සතුටින් ජීවත් වෙනවා.

ඇන්ඩ්‍රෝමිඩා, පර්සියස් සහ කැසියෝපියා කියන කට්ටිය මලාට පස්සේ මේ අය තරු රටා බවට පත් වෙනවා. අදත් මේ කට්ටියව අරෑ අහස බලනකොට අඳුන ගන්න පුලුවන්.

මේ කතාව මම සඟරාවකින් කියෙව්වේ. හොඳයි කියලා හිතුන නිසා බ්ලොග් එකේ දැම්මා. පින්තූර සේරම අන්තර්ජාලයෙන් ගත්තේ.