18 October 2011

චූටි කවි

අපේ ගෙදර මල් වත්තේ
මල් පිපිලා හැම පැත්තේ
සමන් පිච්ච මල් අත්තේ
පුංචි කැදැල්ලක් ඇත්තේ

කුරුළු ගීත නද අතරේ
පැටවුන් දෙදෙනෙකි මිතුරේ
මාපිය දෙදෙනගේ අදරේ
පැටවුන් හිත් තුල පැතිරේ

දින සති කල් ගත වූවා
පැටවුන් නිති කල් යැවුවා
කිචි බිචි හඬ නැති වූවා
පැටවුන් නැති බව දුටුවා

කැලයෙහි පලවැල නෙලනා
කුරුළු මව යි පිය දෙදෙනා
පැටවුන් නැති දුක් සොවිනා
නෙතඟින් කඳුලැලි වැටුනා

ගහ මුල පොඩි පිහාටුවයි
කුරුළු මවගේ නෙත ගැටුනයි
කුරුළු ලොවේ දුක් සුසුමයි
පුංචි අපේ හිත් රිදුනයි

----------------------------------------------------------------------
ප.ලි. - අපේ නංගිලෑ සිංහල පාඩමකට ගායනා කරන්න පුලුවන් කවි ටිකක් ලියාන එන්න කියලා තිබුනා. අමාරුවෙන් කවි ටිකක් ලියා දුන්නා. මේ කවි ටික මොන තාලෙකට ගායනා කලාද කියලා නම් දන්නේ නෑ. :)

කවි ලියන්න මම් අළුත්. ගිම්හානි අක්කා නිසයි කවි ලියන්න ගත්තේ. මේ කවි වල අඩුපාඩු තියෙනවනම් කියන්න.
සංකල්පනාව පල කළේ වෙලාව
සංකල්පනා වර්ගය :

45 comments:

  1. Gayan RupasingheOctober 18, 2011 at 9:43 AM

    එල නේ.. මොන අඩු පාඩුද ගාඩ් මහත්තයෝ... එලට තියෙනවා.. ඔන්න එහෙනම් ගිම්හානි අක්කටත් ලකුණක් යනවා....

    ජය,,

    ReplyDelete
  2. නදී October 18, 2011 at 9:53 AM

    ඔයත් ලස්සනට කවි හදනවනෙ

    ReplyDelete
  3. GimhaniOctober 18, 2011 at 10:06 AM

    තරඟෙට කවි කියලා අපි මූණු පොතේ .....
    දෙදෙනා කිවූ සුන්දර කවි ඒ මොහොතේ ....
    තාමත් මතකේ රැඳිලා නේදෝ අපේ සිතේ ...
    කවදා කෙලෙස හෝ මාවත් පරදවන් පුතේ .....

    ReplyDelete
  4. AnonymousOctober 18, 2011 at 10:20 AM

    අඩේ මේ ටික නම් මටත් තාලෙට කියන්න පුළුවන්... මරු බං

    ReplyDelete
  5. සීතල අයියාOctober 18, 2011 at 11:01 AM

    අඩේ මෙන්න මේකා කවි ලියනවලු. ඉදලා හමාරයි... හික්ස්.. හොදා හොදා...

    ReplyDelete
  6. Ice (අයේෂා කුලතුංග)October 18, 2011 at 11:10 AM

    Hehe....කවි වලින් හොඳ අනාගතයක් තියෙයි... දිගටම ලියන්න... :D

    ReplyDelete
  7. Podi KumarihamiOctober 18, 2011 at 11:18 AM

    ලස්සනම, ලස්සන කවි ටිකක්. ඇත්තමයි...:)

    ReplyDelete
  8. දිල්October 18, 2011 at 11:33 AM

    පොඩි උනාට කවි ටික නම් පංකාහුයි
    එකේ පන්තියෙදී කී සිව් පද සිහිවෙයි

    ReplyDelete
  9. UnknownOctober 18, 2011 at 11:40 AM

    ඔය තියෙන්නෙ එල කිරි එකට.

    ReplyDelete
  10. ``` Outsider```October 18, 2011 at 11:46 AM

    ලස්සනට තියෙන්නෙ කවි පෙල....

    ReplyDelete
  11. අකීකරු හිතOctober 18, 2011 at 12:17 PM

    ෂා නියම කවි ටික...

    ReplyDelete
  12. DineshOctober 18, 2011 at 12:23 PM

    මොන අඩු පාඩුද අයියේ ඔය තියෙන්නේ එල කිරි වගේ..

    ගිම්හානි අක්කා එක්ක කවි කියලා මුණු පොතේ
    අපේ අයියත් කවියෙක් වෙලානේ මිතුරේ
    එන්න ඔහුට සුභ පතන්නට හදවතිනේ
    මොන අඩුපාඩුද කවි ටික මල් හතයිනේ....

    ReplyDelete
  13. පන්සල් හංදියOctober 18, 2011 at 1:36 PM

    නියමයි මලයා, මට නං කිසි අවුලක් පේන්නෙ නැහැ, එලටම ලියලා තියනවා .......

    ReplyDelete
  14. දිනුකOctober 18, 2011 at 4:16 PM

    කේයස් වගේ පොතක් ලියමුද මචෝ.....කොහොමත් දැං අය සිව්පද ලියන්නෙම නෑනෙ.

    ReplyDelete
  15. AnonymousOctober 18, 2011 at 5:27 PM

    අගේ ඇති කවි පන්තිය..දිගටම කවි ලියමුකෝ යාලු අගේ නොකර..

    ReplyDelete
  16. හංසිOctober 18, 2011 at 6:12 PM

    අනේ හරිම ලස්සනයි අයියේ... පටන් ගනිත්දි සතුට ඉතිරිලා ගියාට කඳුලු එනවා අන්තිමේදි.. හරිම සංවේදී නිර්මාණයක්..

    ReplyDelete
  17. Sanjaya සිතුවිලිOctober 18, 2011 at 6:34 PM

    ඔය තියෙන්නේ හොදටම ලියල

    ReplyDelete
  18. සයුරිOctober 18, 2011 at 7:26 PM

    සරලයි...සුගමයි...සුරම්‍යයි....මන රම්‍යයි

    ReplyDelete
  19. හිතුවක්කාර කෙල්ලOctober 18, 2011 at 9:46 PM

    හානේ... හලිම ශෝයි.. කොහොම වුනත් අයියා කවි ලියන්න අඅව එක නියමයි...

    ReplyDelete
  20. හිස් අහසOctober 18, 2011 at 10:57 PM

    මමත් ආස ඔය වගේ සරල කවි වලට තමයි . එල කිරි අයියන්ඩි . කමෝන්

    මම දැන් ලොකු එකා හින්දා පුංචි අපේ කියලා කොටහකුත් කවියේ තියන නිසා ඉතින් මට නම් ගායනවා කරන්න බෑ ඉතින් .. අවුලක් නෑ

    ReplyDelete
  21. ඔබ නොදු‍ටු ලොවක්.....October 19, 2011 at 4:26 AM

    ලස්සන කවි ටිකක්....

    ReplyDelete
  22. AnonymousOctober 19, 2011 at 8:03 AM

    ඔය තියෙන්නෙ යස අගේට! නියමයි

    ReplyDelete
  23. සංකල්පOctober 19, 2011 at 8:10 AM

    @Gayan Rupasinghe :
    ගාඩ් මහත්තයෝ ??? ආහ් ඉස්සර මගේ ආසාව !!!

    @නදී :
    කවි ටික කියෙව්වට බොහොම ස්තුතියි !!!

    @Gimhani :
    අපෝ අක්කා මට තව එක මූසිල කෙනෙක් වෙන්න ඕනේ නෑ. අක්කා තමා මගේ ටිචර් !!!! :)

    ReplyDelete
  24. සංකල්පOctober 19, 2011 at 8:12 AM

    @prasanna86k :
    කවි ටික ගායනා කරලත් බැලුවද ? මරු :)

    @සීතල අයියා :
    ඇයි අපි කවි ලීවම මොකෑ වෙන්නේ මල්ලි.

    @Ice (අයේෂා කුලතුංග) :
    එහෙනම් ඔච්චර කියන එකේ ලියලම බලමු. හැබැයි මම් කවි ලියන්න අරන් මාස දෙකක්වත් නෑ.

    ReplyDelete
  25. සංකල්පOctober 19, 2011 at 8:14 AM

    @Podi Kumarihami :
    අක්කත් ලස්සනයි කියලා කියනවනම් කවි ටික ලස්සන ඇති. හික්ස් :)

    @දිල් :
    අක්කලාට එකේ පන්තියේ සී පද කියන්නත් තිබ්බද ?

    @නිසුපා :
    එහෙනම් හරි !!!! :)

    ReplyDelete
  26. සංකල්පOctober 19, 2011 at 8:15 AM

    @``` Outsider``` :
    බොහොම ස්තුතියි !!!

    @අකීකරු හිත :
    අකීකරු හිතටත් ස්තුතියි. :)

    @Dinesh :
    මල්ලි ලීව කවියත් මරු. ඒක මම් දෙපාරක් විතර කියෙව්වා. :)

    ReplyDelete
  27. සංකල්පOctober 19, 2011 at 8:17 AM

    @පන්සල් හංදිය :
    කට්ටියම කියන එකේ අඩුපාඩු නම් නැතුවැති නේ. ස්තුතියි අයියා

    @දිනුක ජයකොඩි :
    අපෝ පොත් වල ලියන්න තරම් කවි ලියන්න දන්නේ නෑ. හ්ම්.. ගොඩක් අය නිසදැස් ලියනවා නම් මම් දැකලා තියෙනවා.

    @අසනි :
    දිගටම කවි ලීවොත් කට්ටියට එපා වෙයි නේ.

    ReplyDelete
  28. සංකල්පOctober 19, 2011 at 8:19 AM

    @හංසි :
    අපේ නංගි කිව්වේ ඒ වගේ කතාවක් කවියට දාන්න කියලා. කතාව කිව්වා. ඒ කතාව කවියට දාලා දෙන්න කීවා.

    @Sanjaya සිතුවිලි :
    බොහොම ස්තුතියි !!!

    @සයුරි :
    මාර වර්ණනාවක් නේ ඒක !!!!

    ReplyDelete
  29. සංකල්පOctober 19, 2011 at 8:22 AM

    @හිතුවක්කාරි :
    කවි ලියන්න බැරියෝ. මේ ටිකත් ලිව්වේ අපේ නංගි ලියලා දෙන්න කියපු හන්දා. :)

    @හිස් අහස :
    හික්ස් :) මලයටත් තියෙන ප්‍රශ්න !!!!
    ඕන් මල්ලි මම් ඒ පැත්තේ ගිහින් සුබ පතලා එහෙම ආවා.

    @ඔබ නොදු‍ටු ලොවක්.....:
    ගොඩක් ස්තුතියි !!!!

    ReplyDelete
  30. සංකල්පOctober 19, 2011 at 8:23 AM

    @විසිතුරු | visituru :
    විසිතුරු ලස්සනයි කියලා කිව්වා නම් එල !!!! විසිතුරුයි !!! විසිතුරුයි !!!

    ReplyDelete
  31. ගලයාOctober 19, 2011 at 6:44 PM

    වත් පොතෙනුයි දැන ගත්තේ
    අදයි මෙහෙට ගොඩ වැදුනේ
    අම්මට සිරි මල් හතනේ
    දිගටම මං මෙහෙ එන්නේ

    කවි ලියන්න දන්නැතියෝ
    පද හතරක් ගැට ගැහුවෝ
    දැන් බ්ලොග් එක පීරනවෝ
    සමාවෙන්න මදු අයියෝ

    පුංචි වුනාට පංකාදු කවි ටික..සුබ කවි අනාගතයක්....

    ReplyDelete
  32. සිත් අහසOctober 19, 2011 at 6:57 PM

    හරිම ලස්සනයි අයියේ,, ඔය ලියන්නේ ලස්සනට, තව කවි දාන්න,. ඒවා කියවන්න අපි බලාගෙන ඉන්නවා..

    ReplyDelete
  33. සොඳුරු ඉසව්වOctober 19, 2011 at 10:21 PM

    නියමයි මචන්.. පටන් ගැන්ම සුබයි.. මාත් කවි ලියනවා.. ඉස්සරහා එවටත් සුභ පැතුම් :)

    ReplyDelete
  34. ලහිරුOctober 20, 2011 at 9:02 AM

    Waw... patta kavi tika. digatama liyamu!

    ReplyDelete
  35. UnknownOctober 20, 2011 at 7:14 PM

    ෂා... අපේ මධු අයියා කවිත් ලියනවාද? ලස්සනයි... මොන අඩුපාඩුද, හෙල හවුලේ වගේ ඔය තියෙන්නෙ..

    ReplyDelete
  36. KasunOctober 21, 2011 at 12:42 AM

    මධුරන්ගයෝ, මොකෝ බං එක පාරට වුනේ? ඕක තරුණ අසහනය.

    (මගේ ලැප අවුල් වෙලා හදන්න දුන්න බං. කොල්ලොන්ගෙ මැශින් වලින් යන්නේ. ඒකයි කමෙන්ට් කරන්න වුනේ නැත්තෙ.)

    ReplyDelete
  37. දේව් ගේ අඩවියOctober 21, 2011 at 1:14 AM

    අය්යා කවි ලියන්න හපනෙක් කියලා නම් අපි දන්නවානේ ඉතින්, එලම තමා... ඉතින් ඔන්න මගෙන් ලකුනු දහයෙන් දහයක්ම

    ReplyDelete
  38. සරත් ලංකාප්‍රියOctober 21, 2011 at 11:59 AM

    කවිකාර හිත පිබිදුවේ කවුදෝ ??

    ReplyDelete
  39. Ru_SiriniOctober 21, 2011 at 5:45 PM

    හපොයි..මම කවිටික දැක්කේ අදනේ...
    ලස්සන සිම්පල් කවිටික..මට චූටි කාලෙ පාඩම් කරපු..
    “උදාසනම කිම ඉර අද
    කුරුළු ගෙදර මඟුලක් වෙද“...
    කුමාරතුංගයන්ගේ කවිටික මතක් වුනා...

    ඔහෙම යං..ඔහොම යං මලේ..

    ReplyDelete
  40. ක්සැන්ඩරයාOctober 22, 2011 at 12:01 AM

    ඔය එන්නේ.....

    ReplyDelete
  41. සංකල්පOctober 22, 2011 at 11:28 AM

    @ගලයා :
    මල්ලිවත් දැන ගත්තේ මූනු පොතෙන් නෙව !!! සතුටුයි ඒකට.

    @ප්‍රාර්ථනා :
    කවි ලියන්න තමා අමාරු !! ඔහේ මොනාහරි ලියනවා වගේ යෑ කවි ලියනෙක. හරිම අමාරු කේස් එකක් !!!

    @සොඳුරු ඉසව්ව :
    මාත් එහෙනම් කවි කියවන්න එන්නම් !!!

    ReplyDelete
  42. සංකල්පOctober 22, 2011 at 11:30 AM

    @ලහිරු :
    උත්සහ කරලා බලමු !!! වැඩේ අල්ලගන්න පුලුවන් වෙයි.

    @නෙරංජි | Neranji :
    හෙල හවුල නෙමෙයි. අතකසය !!!!
    අගනුවර තරුණ කවි සංගමය !!!

    @Kasun :
    මොකද්ද ඔය කිව්ව අහසහනය ??? හික්ස් :)

    ReplyDelete
  43. සංකල්පOctober 22, 2011 at 11:33 AM

    @දේවා ගේ අඩවිය :
    ලකුණු වලට බොහොමත්ම ස්තුතියි. මාත් සුපර් ස්ටාර් කෙනෙක් කියලා හිතුනා !!! :)

    @සරත් ලංකාප්‍රිය :
    අපේ නැන්දගේ ලොකු දූ !!!! හික්ස් :)

    @රූ.... :
    ස්තුතියි අක්කා කවි ටික කියෙව්වට. තව පොඩ්ඩෙන් මම් අක්කගෙන් ගුටි කනවා අක්කව අයියෙක් කලාට !!! මතක් වෙනකොටත් හිනාවෙලාම පන යනවා. :)

    ReplyDelete
  44. සංකල්පOctober 22, 2011 at 11:34 AM

    @ක්සැන්ඩර් | Xander :
    මොනවද මොනවද !! :)

    ReplyDelete
  45. AnonymousNovember 1, 2011 at 8:55 PM

    සරල ලස්සන කවි පන්තියක්

    ReplyDelete

ඔබේ කමෙන්ට්ස් සිංහලෙන්, English වලින් හෝ සිංglish වලින් ලියන්න.

සංකල්පනා RSS සබැඳිය : Post Comments (Atom)