15 September 2014

උලමගේ රාත්‍රිය

මේ සැප්තැම්බර් මාසය... වෙනත් විදිහකට කියනවා නම් සාහිත්‍යය මාසයයි.

සාහිත්‍යය මාසය වෙලත් පොතක් ගැන ලිපියක් ලියවුනේ නැත්තං ඒක ලොකු අඩුවක් කියලා හිතුන නිසා අද ලිපිය පොත් වලට වෙන් කලා.පොත් කියලා බහු වචනයෙන් කිව්වට මම අද ලියන්න යන්නේ එක පොතක් ගැන.

පොත තමයි භද්‍රජි මහින්ද ජයතිලක මහත්මයාගේ උලමාගේ රාත්‍රිය. මේ පොත විතරක් නෙමේ එතුමා ලියපු අනිත් භීෂණ නව කතා ටික මම කාලයක් තිස්සේ හොය හොයා හිටියේ.

ඒ පොත් සෙට් එකෙම පිටපත් සේරම අලෙවි වෙලා අවසන් නිසා කොහෙන්වත් හොයාගන්න බැරි උනා. ඉතින් මම භද්‍රජි මහත්මයාට ඊ මේල් පණිවිඩයක් යවලා ඇහුවා මේ පොත් සෙට් එක ආයේ මුද්‍රණය කරන්නේ නැද්ද කියලා.

මගේ ඊමේල් පණිවුඩයට එතුමා ප්‍රතිචාර දක්වලාත් තිබුනා. ඒ ප්‍රතිචාරයේ තිබුනේ ඒ පොත් සෙට් එකම නැවත මුද්‍රණය කරන්ඩ අදහසක් තියෙනවාය. ඒත් ඒක ළඟදි කරන්න පුලුවන් වේද දන්නේ නෑයි කියලා. අයේ ඉතින් මොනා කරන්නද... කවදාහරි ඒ ටික හොයාගන්ඩ පුලුවන් වෙයි කියලා හිතාගෙන උන්නා.

භද්‍රජි මහින්ද ජයතිලක මහත්මයා ගැන යමක් කියනවා නම් එතුමා විවිධ ක්ෂේත්‍ර ගණනාවක දක්ෂතා පෙන්නපු පුද්ගලයෙක්.. චිත්‍ර කළාව, සංගීතය වගේම ලේඛන කළාව වගේ විවිධ කුසලතා ගණනාවක් තියෙන පුද්ගලයෙක්. කොටින්ම රටට පහල වෙච්ච සම්පත්ධාරි පුද්ගලයෙක්.

භද්‍රජි මහත්මයාව මම මුලින්ම හදුනාගත්තේ ඉස්කෝලේ යන දවස්වල කියවපු බඹරවිලේ හොල්මන කියන පොතෙන්. ඒක එතුමා සදහන් කරන විදිහට භීෂණ නවකතාවක්. අපේ වචනයෙන් කියනවා නම් භය හිතෙන කතාවක්.

මේ කතාව ලියලා තියෙන රටාව නිසා එක හුස්මටම පොත ඉවර වෙනකන්ම කියවන්න හිතෙනවා. ඒ වගේම ලොකු කුතුහලයකින් කියවගෙන යන්න හිතෙන විදිහේ කතාවක්. මේ කතාව කියෙව්වට පස්සේ මට එතුමා ලියපු අනිත් භීෂණ නවකතා ටික හොයගෙන කියවන්න තරම් ආසාවක් ඇති උනා. ඒ නිසා මමයි අපේ මලයයි ඒ පොත් ටික හොය හොයාගෙන කියෙව්ව.

ඒ දවස්වල මේ පොත් ටික කියවපු ආසාවටම තමා මම මේ පොත් ගන්න තියෙන්නේ කොහෙන්ද කියලා හෙව්වේ.

ඕං ඒ ආසාව ආයේ ඉශ්ඨ වෙන ලකුණු පහල වෙලා තියෙන්නේ.

ඒ දවස්වල අපි ආසාවෙන් කියවපු භද්‍රජිගේ භීෂණ නවකතා සේරම ටික ආයේ මුද්‍රණය කරන්න අරගෙන තියෙන්නේ. ඒ ටික මුද්‍රණය කරන වගකීම බාරගෙන තියෙන්නේ චාමිකර ජයශංඛ කරුණාරත්න.

මේ වෙනකොට ඒ පොත් සෙට් එකෙන් උලමගේ රාත්‍රිය කියන පොත විතරයි මුද්‍රණය වෙලා තියෙන්නේ. අනිත් පොත් ටික ඊලඟ අවුරුද්දේ ජනවාරි වෙනකොට මුද්‍රණයෙන් එලි දකීවි. පහලින් තියෙන්නේ උලමගේ රාත්‍රිය නවකතාවේ අලුත්ම මුද්‍රණයේ පිටකවරය.

මම වගේ භද්‍රජි පාඨකයින්ට ඒක සතුටට කාරණයක් වේවි !

මෙදාපාර නිකුත් වෙච්ච උලමගේ රාත්‍රිය කියන පොත මම මෙදාපාර පොත් ප්‍රදර්ශනයේ නිම්සා ප්‍රකාශකයන්ගෙන් ගත්තා. ගෙදර ආපු ගමන්ම කියවන්න ගත්තේ ඒ පොත. පොත සම්පූර්ණයෙන්ම කියවලා ඉවර කරලයි අනිත් පොත් දිහා බැලුවේ..

ඊලඟ ලිපියෙන් කියන්නම්කෝ මම ගත්තු පොත් මොනවද කියලා.

13 comments:

  1. භීෂණ නවකතා කියවන්න නම් මාත් කැමතියි! හොයන් කියවලා බලන්න හිතුනා.

    ReplyDelete
  2. හා හා කියන්ටකෝ.. බස්සි ගෙ පොත් ලැයිස්තුව නම් දැක්කා.

    ReplyDelete
  3. භද්‍රජී ගේ අයියා සීඑල්වී ජයතිලක කියන්නේ පේරාදෙනිය ඉංජිනේරු පීඨයේ යාන්ත්‍රික ඉංජිනේරු විද්‍යාව ගැන හිටපු මැහැදුරෙක්.
    http://en.wikipedia.org/wiki/C._L._V._Jayathilake

    ReplyDelete
  4. This comment has been removed by the author.

    ReplyDelete
  5. මමත් ආසම ලේඛකයෙක් ඒ. ලේඛ්කයෙක් විදියට විතරක් නෙමේ, බොහෝ ක්ෂේත්‍රයන්ගෙ දක්ෂයෙක්. ඔහුගේ "දෙවැට අයිනේ ගීතයට මම හරි කැමතියි.
    මේ පොත් සෙට් එකම මම කියවලා තියෙනවා.කුරුලු තලාව කියල එකක් තියෙනව. ඒකටත් මම ආසයි

    ReplyDelete
  6. එයා දැන් ජීවත් වෙන්නේ ඇමරිකාවෙද?

    ReplyDelete
  7. නෙක අංශයන්ගෙන් දක්ෂතා ඇත්තෙක් සංගීත සංයෝජනය, පද රචනය, ගායනව ගද්‍ය පද්‍ය රචනා... වගේ බොහෝ අංශයන්.. ඒ වගේ මනුස්සයෙක් කාලාන්තරයකට පස්සෙ තමා බිහි වෙන්නෙ...

    ReplyDelete
  8. malu malu.. bodilima sapayath methumagema bheeshana nawakathawak

    ReplyDelete
  9. තවත් එක රසයක්, වෙලාවක රස විඳලා බලනුකෝ එහෙනම්. තැන්කු මදුරංග සහෝ...

    ReplyDelete
  10. ස්තූතියි තොරතුරට කියවලා බලන්න ඕනේ..

    ReplyDelete
  11. භද්‍රජීගෙ රාවණා ගැන නවකතාවනම් ටිකක් අප්සෙට්.
    හොඳ වස්තුබීජයක් කතෘගෙ විශ්වාසයන් නිසා නවකතාවක රසය අඩුවෙලා

    ReplyDelete
  12. භීෂණ කතා වලට නම් එච්චර කැමැත්තක් නෑ. භද්‍රජි මහින්ද ජයතිලක මහත්මයා ගෙ එක පොතක් නම් කියවල තියනව. නම කතලුගල අන්දරය (?) ද කොහෙද..
    මේ දවස් වල අපිට නම් උලමගෙ රාත්‍රීන් බොහොමයි. රෑටනිදා ගන්නත් නෑ. :)

    ReplyDelete
  13. යෑස් පොඩ්ඩි...එතුමා දන් ඉන්නෙ ඇමරිකාවෙ...මේ ලගදි ගම්පහදි එයාගෙ ගීත එයාම ගායනා කරලා පොඩියට ප්‍රසංගයකුත් කලා...ගීත රචනය /සාහිත්‍ය වගේම / චිත්‍ර කලාවටත් එතුමාට හැකියාවක් තිබුන බව තමයි මට මතක...මොකද සමහර පොත් වල කවර එතුමාගේ චිත්‍ර වලින් සැරසුන බවට මතකයක් තියෙනවා.

    මමත් භද්‍රජී මහතාගේ යොවුන් නවකථා කියවලා තියෙනවා..ඉතාම රසවත් භාෂාවකින් පොත් ලියන්න ඔහුට තියෙන්නෙ හොද සමර්ථකමක්..

    භීෂණය කාලෙ පොත් කියවන්න උඹ මනාප නම් ගොයියෝ උඹ කියවිය යුතුම පොත තමයි එළියකන්ද K පොයින්ට් කියන පොත...කර්තෘගෙ නම මට මතක නෑ...හොයලා බලහං...

    ReplyDelete

ඔබේ කමෙන්ට්ස් සිංහලෙන්, English වලින් හෝ සිංglish වලින් ලියන්න.