මේ දවස්වල රූපවාහිනී නාලිකාවල වැඩිමනක්ම සදහන් වෙන්නේ රටේ දැනට පවතින කාළගුණික විපර්යාස ගැන සහ ඒ විපර්යාස නිසා කෘෂිකර්මාන්තයට සිදුවෙලා තියෙන හානි ගැනයි.
කොටින්ම ඉදිරි කාළය තුළ නියඟයක ලකුණු පහල වෙලා තියෙන බවයි ප්‍රවෘත්ති වල සදහන් වෙන්නේ. උදේට ඇට මිදුළු වලටම කාවදින සීතලකුයි, දවාලට දැඩි රස්නයකුයි විඳින්න වෙලා තියෙනවා.
මේ කාළගුණික විපර්යාස නිසා ජල හිඟයක් ඇති ඇතිවෙන බවට සලකුණු තියෙනවයි කියනවා. මේ නිසාම වගා පාළුවෙලා ආහාර හිඟයකුත් ඇති වෙන නිසාම කෘෂි කර්ම දෙපාර්තමේන්තුවෙන් කියලා තියෙනවා ක්‍රෝටන් කොළ, කොස් දළු එහෙම කන්නයි කියලා.හොදි මාළු නං මොනාහරි කරගන්ඩ පුලුවන් ඒත් හාල් එහෙම නැති උනොත් අයේ කොස් කොළ කන්ඩ කියලා යෑ... :(
මේ අල්ල පනල්ලෙම "ආලෝකෝ උදපාදි" කියල චිත්‍රපටියකුත් තිරගත වෙන්ඩ තියෙනවා.ඒකේ පෙන්නන්නේ වලගම්බා රජතුමාගේ කතාව. වලගම්බා රජතුමාගේ කාලෙත් ඔය ජාතියේම සාගතයක් ඇති උනා කියනවා නෙව.
ඒකට ලස්සන නමකුත් තියෙනවා. "බැමිණිතියාසාය" කියලා. සමහරු ඕකට "බැමිනිටියාසාය" කියලත් කියනවා.
කවුරුත් දන්න දුටුගමුණු රජතුමාගෙන් පස්සෙ සද්ධාතිස්ස රජතුමා රජ වෙනවා. මේ රජතුමාට දරුවෝ හතර දෙනෙක් උන්නා. ඒ දරුවෝ හතර දෙනාම සද්ධාතිස්ස රජතුමාගෙන් පස්සේ රටේ රජකම ගන්න සටන් කළා. මේ නිසාමේ ඒ කාලේ රටේ තිබ්බේ එච්චර හොඳ පාළන ක්‍රමයක් නෙමේ. මේ නිසාම තීය කියලා බ්‍රාහ්මණයෙක් රටේ බලය ගන්න සටන් කලා. මේ සටන ටිකක් ප්‍රබල එකක්.
ඒ නිසාම රටේ කෘෂිකර්මාන්තය අඩාල උනා. ඒ නිසාම මිනිස්සුන්ට කන්න නැති උනා. රටේ රජතුමා පැනලා ගිහින් වන ගත උනා. රජතුමා හිටපු හිටපු තැන් තැන් වල පස්සේ කාලේ විහාර ඉදි උනා.
තීය කියන බමුණා නිසා ඇතිවෙච්ච සාගත නිසා බමුණුතියාසාය නැත්නම් බැමිණිටියාසාය කියලා නමක් පට බැඳුණා.
මේ කාලෙදි රජතුම සේනා සංවිධානය කරනවට අමතරව එතුමා දැක්කා ත්‍රිපිටකය කට පාඩමේ තියාගෙන උන්නු රහතන්නාන්සේලා එක්කෙනා දෙන්නා අපවත් වෙනවා කියලා.
මේ නිසාම රජතුමාගේ මැදිහත්වීමෙන් ත්‍රිපිටකය ග්‍රන්ඨාරූඩ කෙරුනා. එදා ඒ විදිහට ත්‍රිපිටකය ලියැවුනේ නැත්නම් අද වෙනකොට අපට ත්‍රිපිටකය කියලා දෙයක් සදහටම නැති වෙන්ඩ තිබුණා.
මම කලින් කියපු සාගතය සෑහෙන ලොකු කාළයක් තිබ්බා.
මේ දවස්වල රටෙත් අපෙත් ප්‍රාර්ථනාව ඉක්මනින් වැහි ලැබෙන්ඩ කියලා. සමහර පැති වල වැස්ස ලැබෙන්ඩ කියලා වැහි පිරිතත් කියනවා.
වැහි පිරිත කිව්වහම මට තව කතාවක් මතක් උනා. ධාතුසේන රජතුමා කළා වැව හදලා ඒක පිරෙන්ඩ කියවා වැහි පිරිතක් කලා ලූ. වැහි පිරිත කියන එක නවත්තන්ඩ ඕන වෙලාව දැනගන්න කියලා එලියෙන් තියලා තියෙනවලු කෙණ්ඩියක්. මේ කෙන්ඩියට වතුර පිරවිලා තියෙන ප්‍රමාණයෙන්ලූ දැනගන්නේ කොච්චර වෙලාවක් පිරිත කියන්ඩ ඕනද කියලා.
රජතුමාගේ තරහා කාරයෙක් මේ කෙණ්ඩිය යටින් හිල් කරලා තියලා. මේ නිසා කොච්චර වැහි පිරිත කිව්වත් කෙණ්ඩිය පිරෙන්නේ නෑ ලු.
වැව් බැම්ම කැඩෙන්න ඔන්න මෙන්න තියෙනකොට ලූ මිගාර සෙනෙවියාගේ පුතා කාල මේක දක්කේ. ඒ වෙලාවෙලු වැව් බැම්ම කැඩෙන්න හදන තැන අතින් වහගෙන හිටියේ.
ඊට පස්සේ රජතුමා පිරිත කියන එක නවත්තලා දැම්මා ලු. පස්සේ වැව් බැම්මත් පිරිසකර කළා ලූ.
No comments:
කමෙන්ට් එකක් දාලම යමු ද ?
ඔබේ කමෙන්ට්ස් සිංහලෙන්, English වලින් හෝ සිංglish වලින් ලියන්න.