බ්ලොග් අඩවියේ සීමාවන්

අපි කාලාන්තරයක් තිස්සේ බ්ලොග් ලිව්වට බ්ලොග් වල සීමාවන් දැනගෙන ඉදලා නෑ නෙව. මට අද බ්ලොග් වල සීමාවන් තියෙන ලිපියක් කියවන්න හම්බ උනා. ඒ ලිපියේ තිබ්බ බ්ලොග් සීමාවන් ටික මම පහලින් ලියලා දැම්මා.

බ්ලොග් අඩවි ප්‍රමාණය
එක ජීමේල් ගිණුමකට උපරිම බ්ලොග් අඩවි 100ක් පවත්වාගෙන යා හැකිය.

පෝස්ට්(ලිපි) ගණන
බ්ලොග් අඩවියක ඕනෑම ලිපි ගණනක් ලියන්න පුලුවන්. සීමාවක් නෑ. ඒ වගේම එක ලිපියකට අකුරු ගණනෙත් සීමාවක් නෑ.

පිටු ගණන
මෙගා බයිට් 1ක් දක්වා බ්ලොග් අඩවියේ පිටු ගණනක් සකස් කරන්න පුලුවන්.

කමෙන්ට් ගණන
එක බ්ලොග් ලිපියකට කැමති තරම් කමෙන්ට් එකතු කරන්න පුලුවන්. කමෙන්ට් ගණනේ සීමාවක් නෑ. කමෙන්ට් එකක තිබිය හැකි උපරිම අකුරු ප්‍රමාණය 4096ක් විය යුතු ය.

පින්තූරයක ප්‍රමාණය
බ්ලොග් ලිපියකට එකතු කල හැකි පින්තූරයක උපරිම ප්‍රමාණය 8MB වේ. පින්තූරේ අප්ලෝඩ් කරන්නේ දුරකතනයකින් වගේ ජංගම උපාංගයකින් නම් අප්ලෝඩ් කල හැකි උපරිම පින්තූරය්ක ප්‍රමාණය 250KB විය යුතු ය.

පින්තුර ගණන
පින්තූර අප්ලෝඩ් කිරීමට ගිගාබයිට් 1ක් දක්වා ධාරිතාවයක් ලැබෙනවා. මේ ධාරිතාවය ලැබෙන්නේ ඔබේ පිකාසා වෙබ් ඇල්බමයෙන්.

සාමාජිකයන් ගණන
එක බ්ලොග් අඩවියකට කතුවරු (සාමාජිකයින්) 100ක උපරිමයක් දක්වා සිටිය හැකිය.

ලේබල් ගණන
එක බ්ලොග් අඩවියකට 5000ක් දක්වා ලේබල් ප්‍රමාණයක් පාවිච්චි කරන්න පුලුවන්. ඒ වගේම එක ලිපියකට පාවිච්චි කල හැකි උපරිම ලේබල් ප්‍රමාණය 20කි.

ඔන්න ඔය විදිහට තමයි බ්ලොග් අඩවි පවත්වාගෙන යාමේ සීමාවන් ටික. මේ සීමාවන් වලට යටත්ව බ්ලොග් අඩවිය තමන්ට රිසි සේ පවත්වාගෙන යා හැකිය.