25 February 2014

කාලෙකට පස්සේ අහපු ලස්සන සිංදුවක්

අපේ මලයයි මමයි එකතු වෙලා සිරිපා ගමනේ ජනප්‍රවාද කතා ටික එකතු කරලා ලිපි 4ක් ලිව්වා. ඒවට කට්ටියගෙන් සෑහෙන හොඳ ප්‍රතිචාර තිබ්බා. අපේ මලයත් මේ ලිපි ටික එක කියවලා අඩුපාඩු තිබ්බ තැන්, තව එකතු වෙන්ඩ ඕන දේවල් ටික මට පැහැදිලි කලා.

ඔය ලිපි සෙට් එකෙන් පස්සේ මේ මාසෙට කිසිම ලිපියක් ලියන්නේ නෑයි කියලා හිත හදාගෙන උන්නත්  අද කරන්න වැඩක් නැති කම්මැලිකම නිසා මොනාහරි ලියන්න ඕන කියලා හිතුනා. එතකොට තමා ලස්සන සිංදුවක් අහන්ඩ ලැබුනේ.. මේ සිංදුව අද දවසට මම දහ දොලොස් වතාවකට වඩා ඇහුවා.

මේ ගීතය තමා කරුණාරත්න දිවුල්ගනේ මහත්මයා ගයන "ශාන්තිනි තෙමා වැටී..." ගීතය. මේ ගීය රත්න ශ්‍රි විජේසිංහයන්ගේ ගේය පද රචනයක්.. ගුණදාස කපුගේ මහත්මයා තමයි සංගීතය එකතු කරලා තියෙන්නේ.

ශාන්තිනී තෙමා වැටී නලල කුංකුමම් 
කුංකුමම් තෙමා අහසේ හඬන චන්දිරන්
පාන් පැලට ගිනි ඇවිලී අන්න නගින දුම් 
ශාන්තිනි අපි දෙවියන් ඇති තැනකට යං.... 

කඳුලු උඩට තිරුවංගල් එලිය වැටීමෙන් 
නුඹේ මුහුණ කියාගන්න බැරි කවියකි දැන්
 නිවී සැලෙන ඔය දෑසේ වලලු ඔය තරම් 
බරද කියාපන් කෙල්ලේ බරද කියාපන්...... 

සියල් සිරිත් දෑ කුලගොත් ඔබ ආපසු ගන්න 
මහත්වරුනි ශාන්තිනි විතරක් මට දෙන්න 
තිරුක්කුරල් පොත අරින්න දෑස පියාගන්න 
මහත්වරුනි මා නෙලු මල මට සිඹින්න දෙන්න 


දකුණේ ඉදලා උතුරට ගිය තරුණයෙක්ට ශාන්තිනි කියලා දමිල තරුණියක් හමු වෙනවා. ටික කාලයක් ගතවෙනකොට ඒ දෙන්නා අතර ආදරයක් ගොඩ නැගෙනවා. මේ දෙන්නගේ ආදරේට ජනවාර්ගික අර්බුදය ප්‍රශ්නයක් වෙලා නැවතීමේ තිත තියන්ඩ වෙන සිද්ධිය තමා ගීයෙන් කියැවෙන්නේ.

ගීතයේ සම්පූර්ණ කතාව මෙතනින් කියවන්ඩ...

තමන්ගේ ආදරවන්තියගෙන් තමන්ව වෙන් කරන්න එන අයගෙන් ඉල්ලන්නේ.. මේ හැම කුළ සිරිතක්ම ඔය අය අතරේ තියාගෙන ශාන්තිනීව විතරක් තමන්ට දෙන්ඩ කියලා.

ඒ විතරක් නෙමේ. තිරුක්කුරල් පොත කියවන්ඩ කලින් ඇස් පියා ගන්ඩ කියලත් ඉල්ලීමක් කරනවා. තිරුක්කුරල් පොත කියන්නේ කසාද බඳින්ඩ ඉන්න අයට කියවන්ඩ දෙන නීති ඇතුලත් පොතක්. ඒ නිතී සිංහල දෙමල ඕනම ජන වර්ගයකට පොදුයි. ඇස් ඇරගෙන හිටියොත් පොත දෙමල බව පෙනෙන නිසයි පොත කියවනකොට ඇස් පියාගන්ඩ කියලා ඉල්ලීමක් කරන්නේ.

අන්තීම වශයෙන් ඔහු ඉල්ලන්නෙ තමා ආදරේ කරපු ශාන්තිනීව තමන්ට අයිති කරගන්ඩ ඉඩ දෙන්ඩ කියලා... !
ඒ ඉල්ලිම තමයි මෙන්න මේ පේලියේ තියෙන්නේ "මහත්වරුනි මා නෙලු මල මට සිඹින්න දෙන්න "

මේ ගීයේ මම ආසම  "ශාන්තිනි අපි දෙවියන් ඇති තැනකට යං..."  කියන පද පේලියට.. ඒ නිසා අද දවසෙම මගේ කටේ තිබ්බෙම ඔය පද පේලිය... :)

ලස්සන ගීයක් අහලා බලන්ඩ..

දෙමල අයටම ආවේණික මෘදංග නාද මාලවක් නිසා ගීයේ අලංකාරය තවත් වැඩි වෙලා කියලයි මට හිතෙන්නේ... මේ ගීය ගැන විචාර ඉදිරිපත් කරන්ඩ මට දැනුමක් නෑ.. ගීය ලස්සන නිසයි සෑහෙන වාර ගණනාවක්ම ඇහුවේ.

----------------------------------------------------------------------
ප.ලි. - ගීතය අහනවා නම් මෙතනින් අහන්ඩ.

45 comments:

  1. මං ගොඩාක් දුරට ගීතයක් රස විදිනවා විතරයි.ඒත් ඒ ගීයක තේරුම කියල රසය වින්දෙව්වට ඉස්තුතියි

    ReplyDelete
  2. චක් හරි සංවේදි යි ඔය සින්දුව

    ReplyDelete
  3. මතක් කොලානේ ඉතිං ...අද දවසම මේක කියා කියා තමයි ඉන්න වෙන්නේ දැන්

    ReplyDelete
  4. ආහ් ඒකයි මේ මූණු පොතේ කෙල්ලෝ ඔක්කොම කලබලා වෙලා තිබ්බේ...:D:D

    ReplyDelete
  5. කල වයස හරි යාගෙන එනකොට තමයි ඔය සිංදු නිතර නිතර අහන්න හිතෙන්නේ.. හෙහ් හෙහ් ... සිංදුවේ කතන්දරේ දැන ගත්තේ අද.. ඉස්සර නිතර අහන සිංදු ලිස්ට් වල තිබ්බ සිංදුවක්.. ආයේ දිවුල්ගනේ ගේ සිංදු ටික අහන්න ආසාවක් ආවා.. එලස්..

    ReplyDelete
  6. ලස්සන සින්දුව. ටිකක් ඔය වගේ මේ සින්දුවත්.. "මරතෝන්ඩිය රටා ඇඳී..". අහල නැත්නම් අහල බලන්න. ලස්සනයි.

    ReplyDelete
  7. මමත් ආසම ගීතයක්. පදමාලාව වගේම සංගීතය ,හඬ සේරම ලස්සනයි. ඔය විෂය ගැන ලියවුනු මන් ආස සින්දු කීපයක් තියනව. වික්ටර්- නිරංජලා ගයන ''මීනා ''
    නිරංජලා සහ අබේවර්ධන යුවල ගයන ''විෂ්ණු දෙවිඳු උමයංගන'' සහ මේ ගීතය .

    ReplyDelete
  8. ආදරය හදුනන හදවත් ජාත්වාද නාදුනන බව කියවෙන ලස්සන ගීතයක්.

    ReplyDelete
  9. දිවුල්ගනේ පාතිමාටත් කියලා තියෙනවනෙ ඔය වගේ සින්දුවක්... අර චන්දන උඩ කියල තියෙන්නෙ... බින්දි කියලා තියෙන සින්දු දෙක මගේ ප්‍රියතම සින්දු අතර තියෙන ඒවා... ඒක විෂ්නු නෙවෙයි බින්දි ඉසුරු... 'ඉසුරු දෙවිඳු උමයංගන' සින්දුව තිබ්බෙ සරුංගලය ෆිල්ම් එකේ නේද...? රඟපෑවෙ මට මතක විදියට ගාමිණී ෆොන්සේකායි, වීණා ජයකොඩියි...

    https://www.youtube.com/watch?v=iuTB_24KM_o

    ReplyDelete
  10. ඔය වගේ දිවුල්ගනේගම තවත් සින්දුවක් තියෙනවා මරතෝඩිය රටා වැටී කියලා මුස්ලිම් තරුණියකට ගැයෙන...ඒකෙ එන සමහර පද අපිත් එක්ක ඒ කාලෙ වැඩ කරපු මුස්ලිම් දැරියෙකුගෙන් ඇහුවාට ඒ කෙල්ල ඒවා කවදාවත් අහලා තිබුනෙ නෑ...

    ReplyDelete
  11. මමත් ගොඩක් වෙලාවට සින්දුවෙ තාලෙට අහනව මිසක් තේරුම ගැන බැලෙන්නෙ නෑ වැඩිය.

    ReplyDelete
  12. ඔව්.. ලස්සන සින්දුවක්. ආදරේට ජාති බේද , ආගම් බේද නෑනේ..

    ReplyDelete
  13. මේක මමත් බොහොම කැමති ගීතයක්. //සියල් සිරිත් දෑ කුලගොත් ඔබ ආපසු ගන්න
    මහත්වරුනි ශාන්තිනි විතරක් මට දෙන්න// කියන පද දෙක යි මට වැඩිපුර ම දැනෙන්නේ.

    ReplyDelete
  14. සිංදුව අහලා නැ අයියා. අහන්න ඕනේ.. එත් තෙරුමනම් ඇත්තටම ගති...

    ReplyDelete
  15. hmm.. ethuma meka deshana waladee visthara karanawa bohoma lassanata!

    ReplyDelete
  16. ඇත්තටම ලස්සන සිංදුවක්

    ReplyDelete
  17. අහ්, ඒකයි මේ එහෙනම් අද සේටස් එහෙම දාගෙන හිටියේ මේක.. දැන්නේ දන්නේ ඉතින්..

    ReplyDelete
  18. මේ ඔය සිංදුව ගොඩක් කල් කියපු එකක්නෙ,ඔය ඇහුවමද.

    ReplyDelete
  19. පරණ සිංදුවක් ඒත් අහන්න අහන්න අලුත් ගතියක් දැනෙන හරි අපූරු සිංදුවක්... සිංදුව කලිං අහල තිබ්බට කවදාවත් අර කතාව අහල තිබ්බෙ නෑ... ස්තූතියි ඔබට ඒ ලිංක් එකත් එක්කහු කලාට

    ReplyDelete
  20. සින්දුවකට, ආදරයට ජාති භේදයක් නෑනෙ.

    ReplyDelete
  21. මියුරු ..ඔව් නේන්නං ..ඉසුරු දෙවිඳු තමා .මට පැටළුනා

    ReplyDelete
  22. මොන හේතුවක්ද මන්දා මම ඔය දිවුල්ගනේ මහත්තයාගේ සින්දුවලට කැමති නෑ බං.

    ReplyDelete
  23. //මේ ගීයේ මම ආසම "ශාන්තිනි අපි දෙවියන් ඇති තැනකට යං..." කියන පද පේලියට.. ඒ නිසා අද දවසෙම මගේ කටේ තිබ්බෙම ඔය පද පේලිය...//
    හොඳ වෙලාවට අයියා වැඩ කරන තැන ශාන්තිනී කියල කෙනෙක් නොහිටියෙ. ;)

    මමත් සෑහෙන කැමති සිංදුවක්...ඒ සිංදුවේ සංගීතය අපිට නිතරම ඇහෙන විදිහෙ එකක් නොවන නිසා දැනෙනවා වැඩියි

    ReplyDelete
  24. බොහොම ලස්සන සින්දුවක්.

    ReplyDelete
  25. කාලෙකට කලින් සිට අහන අදත් රස විදින ලස්සන සින්දුවක්

    ReplyDelete
  26. වැව් ඉස්මත්ත :
    මටත් අහම්බෙන් වගේ තේරුම කියවන්න ලැබුනේ.. ඒ ගමන් සෑහෙන වාර ගණනක් ඇහැව්වා.

    දේශක යා :
    හ්ම්... හිතට වදින සිංදුවක්.

    ඉවාන් පවුලූශා :
    මං වගේ එකෙක්.. මාත් සිංදු කෑල්ලක් අහු උනහම දවස තිස්සෙම පතුරු ගහනවා.

    ReplyDelete
  27. Podi Kumarihami :
    ඕ.. සුදු ලස්සන, දුරු රටක ඉන්න ගෑල්ලමයෙක් කලබල වෙච්ච පාර තමා මේ... සෑහෙන කට්ටියක් දුවගෙන ආවා නෙ :)

    Pathum Herath :
    කලවයස ??? ඕ ඕ ඕ... මෙතන වෙනම කේස් එකක් දුවන්නේ එහෙනම් :)
    ලස්සන සිංදු සෙට් එකක් තියෙනවා. අර "මුදු මුහුනේ සුව දැනුනේ" ගීයත් මරු

    Chandana :
    අහලා තියෙනවා. තේරුමත්තෙක්ක අහන්ඩ තමා ආස.

    ReplyDelete
  28. Bindi :
    ඒ සිංදු ටිකේ තේරුමුත් එක්ක අහන්න තියෙනවා නම් මරු.. වෙලවක අහලා බලන්න ඕන.

    චතුරංග ප්‍රියශාද් (ප්‍රියා) :
    අනේද කියන්නේ.. මිනිස්සු තමා බෙදිලා වෙන් වෙන්ඩ හදන්නේ.

    Miyuru :
    ඒකත් ලස්සන සිංදුව මියුරු අක්කේ... මියුරු කියන නමත් ගීත වලට සම්බන්ධයි නේ.. මියුරු ගී.. :)

    ReplyDelete
  29. සිරාගෙ කාමරේ :
    උඩ කට්ටියකුත් ඒ ගැනම කියලා තියෙනවා. මේ වගේ ගායකයන්ගේ ගීත කොච්චර ඇහුවත් එපා වෙන් නෑ :)

    තුශානි :
    ඔවු ඒක හරි නංගි..
    කාලෙකින් දැක්කේ.. කොහෙද ගිහිං උන්නේ ?

    කුරුටු ගෑ ගී පොතේ දිලිනි :
    ඒ පද පේලි දෙකත් ගොඩක් ලස්සනයි...

    ReplyDelete
  30. සිහින මදාරා :
    ඔන්න ඉතිං චූටි නෝනා අපිව කේන්ති ගස්සනවනේ.. දැං තියෙන පල් හෑලි වලට වඩා මේ ගීය ලස්සනයි.. ඒ නිසා අහන්න.

    වර්ෂා ( Rain_Girl ) :
    දේශන වලට ??? කොයි විශ්ව විද්‍යාලෙද ? ජපුරේ ?

    නාට්‍යකාරයා :
    හ්ම්.. ලස්සනයි !

    ReplyDelete
  31. Dinesh :
    ඒකනේ.. මටත් තේරුම හම්බ උනේ ඊයේ :)

    Helapa kade :
    නෑ නෑ... මම කලින් අහලා තියෙනවා. මේ ගීයේ තේරුමත්තෙක්කම අහන්ඩ ලැබුනේ ඊයේ.

    Mahesh Rathnayaka :
    ඒ කතාවත් කියවලා සිංදුව ආයේ වතාවක් අහන්ඩකෝ.

    ReplyDelete
  32. Praසන්ன :
    ඒක නම් ඇත්ත !

    දිනුක :
    අප්පටසිරි.. මේ එහෙම එකෙක් හම්බ උනාමයි !

    Chams :
    හ්ම්ම්... පද මාලාවත් එක්ක ගත්තහම සිංදුවේ රසය ගොඩක් වැඩියි.

    ReplyDelete
  33. රාජ් :
    අනිවාර්යෙන්ම... !

    Damith Gunawaredane :
    මාත් කාලෙකට කලින් අහලා තිබුනත් අද තමා තේරුම හම්බ උනේ.. ඒකත්තෙක්කම ගීය රසවින්ඳා.

    ReplyDelete
  34. ජන වාර්ගික අර්බුදයට එහා ගිය සිංහල දෙමළ සංස්කෘතික නොගැළපීම ඔය සින්දුව තුලින් කියන්න හදනවා කියලා ලංකාවේ තිබ්බ අර්බුදය අමතක කරලා සින්දුව කියෙව්වම හිතෙනවා.එයා ඉල්ලන්නේ ඒ වෙනස අමතක කරලා එයාට ශාන්තිනීව දෙන්න කියලා."ඉසුරු දෙවිඳු උමයංගන සේ පෑහෙන්නයි..."ගීතයත් මේ වගේ එකක්.www.amuthusithuwili.wordpress.com

    ReplyDelete
  35. සුභාෂිතය ලියද්දි අලගියවන්න මුකවෙටි තුමා තිරුක්කුරල් පොතෙන් ගොඩක් කරුණු අරගෙන තියෙන බව මම අහල තියෙනවා.

    ReplyDelete
  36. කලින් මේ සින්දුව ආහලා නම් තිබුන තමා තේරුම නම් දැනගත්තේ අද. තේරුම එක්කම අද සින්දුව අහනකොට කලින් ට වඩා හිතට දැනෙවා.

    අයියගෙ පිහිටෙන් ඔන්න ලස්සන සින්දුවක තේරුම දැනගන්න ලැබුනා :)

    ReplyDelete
  37. යුද්ධය අපේ සමීපතම අත්දැකීම උණාට මෙතනදි අර උඩ අනෝ කියලා තියන විදිහට සංස්කෘතික ඝට්ටණය ගැන පොදුවේ කියන බව තමයි හැඟෙන්නේ. මේ ගීතය ඇහුවහම මගේ හිතේ ඇතිවෙන්නේ විවාහ වෙන්න යන අවස්ථාවක ඇතිවහ ගැටුමක් වගේ දෙයක්.

    මෙතන 'නිවී සැලෙන' ද 'බියේ සැලෙන' ද?

    ReplyDelete
  38. මම කැමතිම ගායකයෙක්...

    ReplyDelete
  39. අපේ ගෙවල් ගාව ඇන්ටි කෙනෙක් ඉන්නවා ශාන්තිනී කියලා. හැබැයි සිංහල. ඔය සින්දුව අහද්දී එයාව තමයි මතක් වෙන්නේ

    ReplyDelete
  40. තිසර කිව්ව විදිහට තමයි මටත් ඇහෙන්නෙ.

    "බියේ සැලෙන ඔය දෑතේ වළලු..." කියල නේද කියන්නෙ මධුරංග :)

    ReplyDelete
  41. ශාන්තිනි ගැන කිවුවට දිවුල් ඊට පස්සේ ශාන්තිනී මහ මග දමා යුද්දෙ හොඳයි කිව්ව අය අතර හිටියා. කාලයක් උතුර දකුණ වෙනුවෙන් පෙම් බැන්ද මිනිහෙක්ට එහෙම කරන්න පුළුවන්ද මට ඇති ගැටලුව එයයි

    ReplyDelete
  42. Anonymous :
    උඩ කට්ටියත් මේ ගැන කියලා තියෙනවා. ඒ සිංදුවත් හිමිහිට තේරුමත්තෙක්ක අහලා බලන්ඩ ඕන. :)

    පොත් ගුල්ලා :
    ඒක දන්නේ අදනේ :)

    නිදහසේ නවාතැන :
    ඒකනේ.. අපිම ඉන්න ඕන සිංදුවක් තේරුමත්තෙක්ක අහන්න සලස්සවන්න. :පී

    ReplyDelete
  43. තිසර :
    මම වැරැද්ද නිවැරදි කරන්නම්. ස්තූතියි වැරැද්ද පෙන්නලා දුන්නට.

    රජ වීදියේ උමේෂ් :
    මාත් දිවුල්ගනේ මහත්මයාගේ ගීත වලට ආසයි !

    සයුරි :
    එයාට ඇහෙන්න සිංදුව දාන්න තියෙන්නේ...

    ReplyDelete
  44. Chandana :
    හරි.. මම වැරැද්ද හදන්නම් චන්දන !

    දයානන්ද රත්නායක :
    ඒක නම් ප්‍රශ්නයක් තමා. ඔය සේරම ඇතිවෙන්නේ මිනිස් හිත් වලනේ..

    ReplyDelete
  45. ගීතයේ කතාව වැරදියි නේද.

    ReplyDelete

ඔබේ කමෙන්ට්ස් සිංහලෙන්, English වලින් හෝ සිංglish වලින් ලියන්න.